【明報專訊】監警會主席翟紹唐早前接受Emily訪問時，話希望警方多啲同市民講解遊行示威安排，咁啱Emily噚日採訪警方元旦遊行安排嘅記者會，警方就播放咗條片，搵咗個靚女Madam做主角，利用網絡媒體，向市民直接介紹元旦遊行路線、封路安排同注意事項等，噚日嘅記者會仲用多咗實境圖講解遊行安排，連社運人士都讚警方講解得詳盡。 原來警察公共關係科拍短片講遊行，喺今年元旦遊行已經試過，不過唔少人都話未睇過，條片𠵱家YouTube有得睇。 網上直接同市民介紹 民陣副召集人沈偉男話，警方多向公眾解釋「幾時都唔係壞事」，但就話條片似係形象工程居多。有行家採訪完就同Emily打趣地講，如果元旦日行完維園舉行嘅工展會後，想直接去參加遊行，應該行邊條路線呢？短片中Madam就似乎無介紹到嘞。
|
| |
| |
