【Emily】葉劉批港台「做咗訪問好耐都唔播」
[2025.04.03] 發表
【明報專訊】立法會選委界別議員何君堯噚日就檢討香港電台及政府新聞處職能提出口頭質詢，新民黨主席葉劉淑儀就講到接受港台訪問嘅經驗，批評有大量冗員，「第二啲電視台一個人揸咪、一個人打燈光，(港台)閒閒哋4個甚至8個人落嚟做一個訪問」，並投訴港台「做咗訪問好耐都唔播出，有過時之嫌」，倡減省人手。
何君堯引述有意見認為港台及政府新聞處職能重疊，問政府會否精簡兩者架構減低開支，以至探討合併。葉太發言時質疑，港台與新聞處多年未有深層次改革，認為兩個部門要改變政策綱領，善用人工智能(AI)減省人手，發揮破局精神銳意改革。商經局長丘應樺回應話，港台已開始用AI製作新聞節目，亦會按預算案要求削減部門開支。
何君堯：探討港台新聞處合併？
丘應樺：兩者職能無重疊
丘應樺答覆何君堯時話，港台角色係公共廣播機構，政府新聞處則主責政府公關，雙方各司其職，職能無重疊。佢又解釋港台大部分公務員屬節目主任，新聞處公務員大多係新聞主任，兩個職系嘅工作性質、技能、經驗不同，合併並非最有效開源節流嘅方法，但同意兩個部門可以互相配合、加強合作。
更多港聞
【Emily】回顧香港行 星官唐振輝：街頭小菜好吸引
【明報專訊】新加坡律政部第二部長唐振輝（左六）上月中訪港，佢噚日出帖講番香港之行，特別提到香港街頭小菜好吸引。睇佢上載嘅相，一行人去過油麻地... 詳情
【Emily】4?27 last day 文苑飯莊：盼再相逢
【明報專訊】開業兩年、曾獲選米芝蓮必比登美食推薦嘅食肆「文苑飯莊」噚日宣布結業，將營業至本月27日。文苑飯莊冇喺帖文交代結業原因，只係話「希... 詳情
【Emily】撐本地師傅 黃國請食紅豆椰汁斑蘭糕
【明報專訊】每逢星期三立法會開大會，不時有議員請食好嘢，今次就有工聯會黃國請大家食「紅豆椰汁斑蘭糕」，原來啲斑蘭糕係由工聯會屬會飲食業職工總... 詳情
公民科內地考察 下學年料花逾億 校長：途長日數多 增款正常
【明報專訊】社會近期對高中公民與社會發展科（公民科）內地考察團關注增加。立法會特別財委會昨上載教育局資料，顯示近3年（2022/23至202... 詳情
相關新聞
