【Emily】立會紀念品店年賺7.4萬 文具最好賣 刊物銷情淡
[2025.04.03] 發表
【明報專訊】立法會地下有間紀念品店，根據立法會秘書處提交財委會嘅文件，近3個財政年度都有盈利，2024/25年度頭11個月賺7.4萬多元，當中最賣得嘅紀念品係文具，同期賣出5790件，銷售額18.6萬元，佔總銷售額三成，最唔賣得嘅係出版刊物，只賣出39件，銷售額8040元。
就政府開支預算，政府部門回覆議員嘅提問陸續上載，其中民建聯梁熙關注立法會向市民推廣嘅工作。秘書處回覆，2024/25年度首11個月舉辦1084次導賞團，超過3萬人參加，較前兩個年度多。
同期紀念品店嘅收入都增加，收入約58.6萬元，比2023/24年度全年嘅57.7萬元多，但由於營運成本增加，當中包括信用卡同八達通卡嘅佣金收費，令盈利由上年度全年近15萬元減至7.4萬多元。
新升降機系統130宗故障
立法會擴建工程包括換智能升降機，文件顯示升降機系統自2023年12月啟用，秘書處累計接到130宗故障個案同38宗投訴，其中107宗故障涉及觸控鍵盤、顯示屏或升降機門故障，投訴就主要係升降機門開合速度同信息顯示不足。
工程完成後，秘書處上年12月安排人手幫議員搬議辦，搬遷開支總額約157萬元，包括用75萬聘請搬運公司、向議員發65萬特別津貼，清潔、除甲醛同霧化消毒、租用空氣清新機等共17萬元。
更多港聞
【Emily】「牛角」下晝變DSE自修室 逾百的士義載打氣
【明報專訊】踏入中學文憑試（DSE）考期，莘莘學子繼續忙溫書。叙福樓集團主席黃傑龍噚日喺facebook話，開放旗下餐廳包括牛角、牛涮鍋MM... 詳情
【明報專訊】立法會選委界別議員何君堯噚日就檢討香港電台及政府新聞處職能提出口頭質詢，新民黨主席葉劉淑儀就講到接受港台訪問嘅經驗，批評有大量冗...
詳情
【Emily】回顧香港行 星官唐振輝：街頭小菜好吸引
【明報專訊】新加坡律政部第二部長唐振輝（左六）上月中訪港，佢噚日出帖講番香港之行，特別提到香港街頭小菜好吸引。睇佢上載嘅相，一行人去過油麻地... 詳情
【Emily】4?27 last day 文苑飯莊：盼再相逢
【明報專訊】開業兩年、曾獲選米芝蓮必比登美食推薦嘅食肆「文苑飯莊」噚日宣布結業，將營業至本月27日。文苑飯莊冇喺帖文交代結業原因，只係話「希... 詳情
【Emily】撐本地師傅 黃國請食紅豆椰汁斑蘭糕
【明報專訊】每逢星期三立法會開大會，不時有議員請食好嘢，今次就有工聯會黃國請大家食「紅豆椰汁斑蘭糕」，原來啲斑蘭糕係由工聯會屬會飲食業職工總... 詳情相關新聞
