【Emily】未來科學大獎再來港 得主下月揭盅
[2024.07.24] 發表
【明報專訊】自2016年由科學家同企業家發起嘅「未來科學大獎」，今年將第二度喺香港舉行，繼續設「生命科學獎」、「物質科學獎」、「數學與計算機科學獎」三大獎項，以獎勵喺大中華地區取得傑出成果嘅科學家，獲獎名單下個月16號透過直播喺北京及香港同步公布，頒獎禮11月3日喺灣仔會展舉行。
未來科學大獎捐贈人代表王強話，評選機制設計有效確保公平，包括提名人要申報與被提名者嘅關係；各獎項分別設約10人組成嘅評審委員會，成員係範疇內嘅專家或院士，討論過程會錄影存檔，50年後解封。各單項獎金係100萬美元(約780萬港元)。
盼成科學交流平台 感染年輕人
新上任港大暫任首席副校長嘅任詠華擔任今年未來科學大獎周程序委員會聯席主席。佢話獎項舊年首次在港舉辦，效果理想，希望香港可以擔當超級連繫人，作為全球科學交流嘅平台，創造濃厚嘅科研環境，感染更多年輕人。
未來科學大獎會喺今個月底至11月初舉辦連串座談會、展覽、論壇等，邀請咗來自德國、2021年諾貝爾化學獎得主Benjamin List擔任科技論壇及亞洲青年科學家會議嘅講者。
更多港聞
相關新聞
