【Emily】立會灣區團分途考察 特首兩邊走 偕梁君彥陳國基帶隊 3局長隨團
[2023.04.20] 發表
【明報專訊】立法會新冠疫後首個境外考察團周末出發往珠三角城市，除咗特首李家超帶團之外，Emily聽聞政務司長陳國基同3名局長，包括政制及內地事務局長曾國衞、創新科技及工業局長孫東、環境及生態局長謝展寰都會隨團。
由於立法會分兩組，除咗頭站深圳及尾站廣州，中間分兩組分途考察東莞(紅組)及佛山(紫組)，據悉兩團分別由立法會主席梁君彥同陳國基帶隊出發，特首兩邊走，分別參與部分行程。
4議員將缺席 狄志遠去倫敦馬拉松
梁振英點名籲考慮退休
據Emily收到嘅初步行程，考察團分別會見廣東省領導，同先後接受深圳市、東莞市、佛山市同廣州市領導宴請，雖然未知具體名稱，但都預計係當地政府最高層喇。
立法會目前89個議員(1個出缺)中，有4人今次去唔到考察團。前特首梁振英就特別點名要去倫敦跑馬拉松嘅新思維狄志遠，挖苦佢因為人生計劃跑馬拉松而去唔到大灣區，可考慮吓退休。其他去唔到嘅議員包括有身孕、坐長途車唔方便嘅民建聯林琳，去英國訪問嘅法律界議員林新強，同選委會界別林順潮。其中林新強本身報咗名去考察，但同狄志遠一樣太遲先知日子，今次參與唔到。
立法會噚日公布分組名單，並按年資、喺立法會擔任崗位嚟排序，定出佛山(紫組)有9人影大合照時坐前排，但東莞(紅組)只有6人符合資格(見表)。
更多港聞
【明報專訊】港澳辦主任夏寶龍前日結束6天訪港考察行程，副政務司長卓永興只出席咗首日夏與官員嘅會面，之後多個活動未有現身。佢噚日喺facebo...
詳情
【Emily】許正宇晤英高官 卓雅敏提黎案初選案
【明報專訊】繼續喺英國訪問嘅財庫局長許正宇（圖左），當地時間周二先後同多名英國高級官員及議員會面，其中分別見咗負責印太地區嘅外交、聯邦及發展... 詳情
【Emily】「虛擬凡爾賽宮」展 踩住單車睇靚景
【明報專訊】全球首個及唯一官方以世界文化遺產凡爾賽宮為主題嘅巡迴展覽「虛擬凡爾賽宮之旅」，噚日喺香港文化博物館舉行開幕禮。展覽分6個主題，其... 詳情
相關新聞
