【Emily】顏汶羽見孫玉菡傾最低工資檢討
[2023.03.24] 發表
【明報專訊】政府委任嘅最低工資委員會正研究點樣改良法定最低工資水平嘅檢討機制。民建聯立法會議員顏汶羽噚日同勞福局長孫玉菡見面，傾人力議題。顏汶羽當年嘅博士論文係寫最低工資政策，噚日梗係有傾最低工資檢討。佢話自己嘅立場係支持最低工資一年一次檢討(𠵱家係兩年一檢)，但如果咁做，檢討機制方程式要調整，又話會同民記商議，遲啲會提出具體方案畀政府。佢又話，會上大家亦有討論勞工短缺問題，同埋職業介紹所實務守則修訂等議題。
除咗勞工政策，顏汶羽噚日亦同土拓署官員見面，討論改善觀塘碼頭迴旋處工程，要求施工時做好臨時交通安排。大家都知，觀塘塞車問題都幾出名。
更多港聞
相關新聞
