【Emily】卡塔爾睇世盃 鍾國斌嗌到聲沙 外遊睇F1 話要享受無罩無「安心」日子
[2022.11.26] 發表
【明報專訊】近期最熱門嘅話題應該係世界盃喇，場內場外都充滿話題，立法會前議員鍾國斌(Felix)早幾日喺阿布扎比(Abu Dhabi)睇完F1賽車最後一站比賽，隨即飛去卡塔爾睇世界盃，仲睇埋好多球迷期待嘅巴西對塞爾維亞，最終賽果2比0，巴西勝出小組第一場比賽。
著埋巴西波衫入場睇波嘅Felix話現場氣氛「high到爆」，全場有8萬幾人，九成以上都係巴西球迷，所以巴西隊一入波，個個都即刻彈起，佢都好耐未試過叫到聲都沙埋，大叫過癮！Emily見到Felix影球場內嘅相，都覺得氣氛一流，今屆無得親身去睇波嘅朋友都留言，叫Felix代為向巴西打氣。
Felix唔止去睇波，作為「開關」後嘅外遊第一站，Felix就揀咗去阿布扎比睇今季F1賽車嘅最後一站比賽，喺賽場各處打卡留念。雖然喺場內見唔到唯一中國F1車手周冠宇，但Felix都同周冠宇支旗合照。Felix仲話經常喺電視睇F1，但現場睇就正好多。之後Felix喺中東玩咗幾日，話要享受吓無口罩同安心出行嘅日子。
更多港聞
【Emily】帶幼園生參觀立會 邱達根：做議員最大挑戰
【明報專訊】立法會秘書處自11月起逐步恢復舉辦實體導賞團同教育活動，唔少立法會議員都會充當導遊，向學生團介紹立法會嘅工作。最近科技創新界議員... 詳情
【Emily】理大2000套特製枱椅贈劏房學童
【明報專訊】為改善劏房兒童嘅學習環境，理大賽馬會社會創新設計院喺「置地公司家基金」捐助下，推行「童學習?置未來」計劃，幫劏房學童設計兼訂製2... 詳情
【明報專訊】6個立法會選委會界別補選嘅候選人，日前獲資審會確認資格，選舉事務處噚日抽籤決定各人嘅選票次序，依次係1號中大工程學院副院長黃錦輝...
詳情
相關新聞
