【Emily】七一近 梁君彥籲議員自律防疫 促避免請食嘢 下周暫如期餞別林鄭
[2022.06.14] 發表
【明報專訊】立法會議員有機會獲邀出席七一回歸25周年慶祝活動，仲可能同訪港嘅國家領導人同場。本港新冠個案近日多咗，據Emily了解，立法會主席梁君彥噚日提醒全體議員自律防疫，要求議員同職員每日返立法會前做快速測試，暫時避免邀請訪客到立法會，開會發言時亦唔好除口罩。立法會將於下星期二(21日)為特首林鄭月娥舉行餞別午宴，官員、行會成員同議員共聚一堂，對於會否如期舉行，秘書處回覆話會密切留意疫情發展，如有最新安排會通知議員同相關人等。
要求每日返立會前快測
紡織及製衣界議員陳祖恒上周確診，近日有活動因此建議立法會議員唔好出席。據悉，梁君彥噚日向全體議員表示，因應疫情回升，加上七一慶回歸活動將至，提醒加強防疫，特別提到議員避免「請食嘢」，如果要喺立法會前廳進食，之後應即時戴番口罩。民建聯港島西議員陳學鋒同Emily話，已收到行管會嘅提醒，佢每日都有做快測，亦因應疫情取消部分飯局，會盡量小心。
出席午宴者如打三針做快測
陳凱欣：問題不大
就下周同林太嘅午宴，選委會界別議員陳凱欣認為，應該喺午宴前兩日再評估風險，視乎立法會內嘅感染情况決定。佢相信如果宴會出席者已打三針、先做快測、離座時戴好口罩嘅話，問題唔大。佢亦建議可將午宴分為4人一枱，每枱之間坐疏啲。
更多港聞
【明報專訊】立法會福利事務委員會噚日開會，討論向福利服務提供者提供唔同模式津助同資助，臨近七一，工聯會立法會九龍東議員鄧家彪就關注政府會唔會...
詳情
【Emily】議員搞元宇宙慶回歸展 網上重溫25年大事
【明報專訊】香港回歸25周年，各界都辦慶祝活動，要突圍都需要諗新意。立法會選委會界別議員吳傑莊，聯同梁美芬、李鎮強及劉智鵬，搞咗個元宇宙《香... 詳情
【Emily】籲「世界捐血者日」捐血 紅會今送限量便條紙磚
【明報專訊】香港紅十字會輸血服務中心噚日公布2021/22年度獲嘉許嘅長期捐血者名單，以表揚共3686名捐血累積達25次和25倍數嘅熱心捐血... 詳情
【明報專訊】民建聯噚日公布本港藝文政策民調及「藝文香港2027+」倡議書，調查發現，超過八成受訪者希望M+博物館同埋即將開幕嘅故宮文化博物館...
詳情
【Emily】馬會見習騎師校招學員 滿15歲可考
【明報專訊】就到畢業季節，香港賽馬會賽馬人才培訓中心旗下見習騎師學校最近招募「賽事見習學員」，投考者必須年滿15歲，並已完成中三或以上課程，... 詳情相關新聞
