【Emily】逾10港區人代請假缺席兩會
[2022.02.25] 發表
【明報專訊】全國政協、人大代表「兩會」下月初喺北京召開，一班港區政協委員和人代噚日要先上深圳隔離7日，確保無感染新冠病毒先可以去北京開會。港區人大代表團團長馬逢國噚日坐車去深圳前話，今次有超過10名港區人代請假未能出席會議，而佢相信議程唔會包括香港特首選舉。據Emily了解，其中一名缺席嘅係生日會風波主角洪為民。
全國人大常委譚耀宗出發前話，今次防疫措施係疫情兩年嚟最嚴謹，大會建議，如果曾經確診或屬緊密接觸者，就唔好出席會議，有啲代表嘅家人或身邊人染疫，因此已請假。另外，部分人代因為要留港幫手抗疫要請假，包括全港社區抗疫連線總召集人陳振彬和行會成員、立法會建制派「班長」廖長江。陳振彬話請假係要留港統籌「連線」抗疫。
有人代喺上深圳隔離前一直做抗疫工作，好似身兼選委會界別立法會議員嘅人代陳曼琪。港區人代陳曉峰分享旅途上情况，各港區人代喺旅遊巴上要分開坐，要戴口罩同面罩。陳曉峰話，出發前48小時要做核酸檢測、陰性先可上車，去到酒店要各自留喺房，連露台都唔可以出。佢話會乖乖讀吓書，準備議程。
深圳五星酒店隔離食鮑魚
政協委員方面都好多人向兩會請假，如早前因為司機染疫嘅全國政協常委唐英年。
睇番一班人代同政協委員喺深圳隔離嘅三餐伙食似乎唔錯，有鮑魚、帶子、海參、鴨等，入住嘅係五星酒店。
更多港聞
【Emily】特警遴選節目周日播 考SDU 阿sir話最看重不放棄
【明報專訊】為令市民了解四大特種部隊嘅遴選過程，警方同無綫合作，花咗9個月拍攝5集節目，並邀請藝員參加聯合基本遴選。警方話，一年一度嘅聯合基... 詳情
【Emily】陳穎欣倡消費券強檢掛鈎 陳茂波說不
【明報專訊】財政司長陳茂波噚日出席立法會財務委員會，向議員簡報財政預算案。工聯會議員陳穎欣（圖）會上提出，將1萬元消費券同3月做嘅全民強制檢... 詳情
【Emily】張國鈞著保護衣 為居家檢疫戶派物資
【明報專訊】第五波新冠疫情嚴峻，唔少政黨都有落區協助市民。民建聯立法會議員陳克勤噚日就同多名四川省港區政協等，一齊到深水埗，向1000戶基層... 詳情
【明報專訊】特首林鄭月娥周二（22日）宣布，全港學校7至8月的暑假，提前至3 、4月放，網課亦需停止，安排適用於國際學校。措施惹國際學校強烈...
詳情
相關新聞
