【Emily】特警遴選節目周日播 考SDU 阿sir話最看重不放棄
[2022.02.25] 發表
【明報專訊】為令市民了解四大特種部隊嘅遴選過程，警方同無綫合作，花咗9個月拍攝5集節目，並邀請藝員參加聯合基本遴選。警方話，一年一度嘅聯合基本遴選，通常歷時4日3夜。百多名考生喺粉嶺機動部隊基地，接受一系列考核同測試，最後只有幾十人通過到，參加基礎訓練課程3個月，成績優異者先加入到機場特警組、反恐特勤隊或鐵路應變部隊；至於投考飛虎隊(SDU)嘅人，更要通過俗稱「地獄周」嘅進階遴選，完成基礎同進階反恐訓練，至有機會投身呢支王牌部隊。
其中一名考生喺「地獄周」收到爸爸病重垂危嘅消息，喺探望同送別爸爸之後，佢懷住悲傷完成考核。佢話支持自己走落去，係因為應承咗爸爸會考入飛虎隊。飛虎隊攻擊隊隊長宇sir參與遴選工作近20年，佢話可以接受考生係trainable，但絕唔可以輕言放棄，話如果考生放棄，點樣相信佢哋唔會放棄保護香港市民。佢又話𠵱家訓練更科學同系統化，包括邀請警隊心理學家，分析同改善遴選評估制度，令佢哋可短時間內挑選最合適人選。
《不可能任務》將於27日起，逢周日晚10點05分喺翡翠台播出。
更多港聞
【Emily】陳穎欣倡消費券強檢掛鈎 陳茂波說不
【明報專訊】財政司長陳茂波噚日出席立法會財務委員會，向議員簡報財政預算案。工聯會議員陳穎欣（圖）會上提出，將1萬元消費券同3月做嘅全民強制檢... 詳情
【Emily】張國鈞著保護衣 為居家檢疫戶派物資
【明報專訊】第五波新冠疫情嚴峻，唔少政黨都有落區協助市民。民建聯立法會議員陳克勤噚日就同多名四川省港區政協等，一齊到深水埗，向1000戶基層... 詳情
【明報專訊】特首林鄭月娥周二（22日）宣布，全港學校7至8月的暑假，提前至3 、4月放，網課亦需停止，安排適用於國際學校。措施惹國際學校強烈...
詳情
【明報專訊】新冠疫情肆虐，中大前日（23日）向師生發信，表示大學絕不容許任何人在校園內舉行派對及聚會。信中稱，政府早前宣布禁止涉及兩人以上的...
詳情
相關新聞
