【Emily】張國鈞著保護衣 為居家檢疫戶派物資
[2022.02.25] 發表
【明報專訊】第五波新冠疫情嚴峻，唔少政黨都有落區協助市民。民建聯立法會議員陳克勤噚日就同多名四川省港區政協等，一齊到深水埗，向1000戶基層市民送上新鮮蔬果及防疫包。另一民建聯成員張國鈞去到香港仔，為正在接受「居安抗疫」嘅公屋住戶送上物資。
陳克勤偕四川省港政協
新鮮蔬果送深水埗基層
陳克勤喺facebook表示，由於接連有跨境貨車司機確診，影響物資運送，導致物價上升，有見及此，四川省政協海外聯誼會捐贈大批新鮮蔬果。克勤提到，佢哋細心挑選可以存放較長時間嘅蔬果，可分開幾餐食用，望減輕基層生活負擔，以及解決居家檢疫者嘅食物供應問題。
張國鈞身穿全套保護衣物上門送物資。佢同Emily講呢排跟進好多抗疫情况，例如南區早前得一個檢測中心，每日得800個名額，一早就派晒籌；近日區內多強制檢測大廈，終於開多一個站，但原有嗰個站嘅檢測名額就減至200個。佢又收到求助，路德會兩所殘疾院舍爆疫，但社署同衛生署都畀唔到深喉唾液樣本樽，院舍又唔夠人手出去排隊拎樽仔。佢慨嘆，社署話佢哋都唔夠樽仔，政府資訊不足，無從得知具體情况。
更多港聞
【明報專訊】特首林鄭月娥周二（22日）宣布，全港學校7至8月的暑假，提前至3 、4月放，網課亦需停止，安排適用於國際學校。措施惹國際學校強烈...
詳情
【明報專訊】新冠疫情肆虐，中大前日（23日）向師生發信，表示大學絕不容許任何人在校園內舉行派對及聚會。信中稱，政府早前宣布禁止涉及兩人以上的...
詳情
相關新聞
