【Emily】傳媒人揭舊刊物「驚訝」發現：教聯教協曾老友 一同紀念五四

教協已故創辦人、民主派元老司徒華1989年喺教聯會刊物撰文，嗰本特刊係用嚟紀念五四運動70周年，同頁嘅其他作者包括時任培僑中學校監吳康民等。（受訪者提供）

【明報專訊】48年歷史嘅教協噚日宣布解散，資深傳媒人鄭明仁執舊嘢時，搵番教協創始人司徒華喺1989年寫嘅文章，係當年刊登喺教聯會編印嘅「五四特刊」，題為「科學民主尚未實現 我們仍須繼續奮鬥」。教聯會近年不時批評教協，雙方立場唔同，鄭明仁同Emily講，自己見到呢份特刊時都好驚訝，原來當年教聯同教協可以好老友。

華叔喺文章話，五四運動嘅精神依然感召衆人，引述已故作家魯迅名言「石在，火種是不會滅的」。鄭明仁話早年做記者時，成日聽到華叔講呢句話，「不過睇番𠵱家，石都唔喺度喇，火種滅咗」。

梁振英連發6帖 促交代資產去向

政界亦唔少人談論教協解散，全國政協副主席、前特首梁振英喺3小時內連發6個facebook帖文，內容包括要求教協理事交代該會資產去向，問係咪分番畀會員，「這班人平日叫口號叫得轟天價響，現在全部跪低」。民建聯張國鈞喺facebook話，「假如(教協)行得正企得正，又何須急於解散」。

元朗區議員張秀賢就話，佢係一個年資只得幾年嘅普通會員，但理解教協解散嘅決定唔易做，只能尊重同支持，又話感謝教協各位前輩對社會、教育界同社會運動嘅貢獻。民主黨袁海文就話「很難受，但絕對理解和尊重」。

更多港聞

【Emily】李永達赴英 民主黨內訌未息 林卓廷批有人擁抱新選制謀「上位」

【明報專訊】民主黨副主席李永達人去咗英國，引發黨內分歧浮面。民主黨中委蘇逸恒日前喺facebook出post，大字標明「#叫人衝 #自己鬆」... 詳情

【Emily】快必獄中減廿磅：現更快更高更強

【明報專訊】社福界前立法會議員邵家臻噚日出post，講佢同另一前議員張超雄去咗探還押近一年嘅人民力量副主席譚得志（快必）。阿臻話同平日唔同，... 詳情

【Emily】八達通向港隊代表送奧運紀念卡

【明報專訊】東京奧運結束，今屆港隊取得歷來最佳成績，仲留低咗好多精彩嘅比賽片段。八達通卡公司噚日就話，港隊喺各方面都表現出拼搏精神同過人意志... 詳情

【Emily】前區議員余德寶賣畫支援地區工作

【明報專訊】公民黨前成員、上月辭任油尖旺區議員嘅余德寶噚日喺facebook賣畫，話最近畫咗10幅作品，有字、有水彩畫、油畫，佢上載咗5幅，... 詳情