【明報專訊】佔中發起人陳健民(KM,圖一右)上周六出獄,早前喺獄中度過61歲生日,佔中案其他被告同天主教香港教區榮休主教陳日君樞機前晚為佢補祝生日。有份出席嘅社福界立法會議員邵家臻向Emily講,佢哋喺生日會上唱足3次《願榮光歸香港》。
民主黨李永達噚日貼出生日會嘅相,話前晚為KM補祝生日,傾偈近兩小時;不過因為元朗區議會副主席麥業成個仔確診新冠肺炎,元朗區議員張秀賢自我隔離而冇出席。
阿臻話呢場生日會係陳日君約佢哋,其間唱咗3次《願榮光》,話KM喺獄中聽收音機,每次都只聽到最後一句,佔中另一發起人朱耀明探監時,都特意唱畀KM聽。