【Emily】特首答問會 建制率先飲7啖湯
[2020.01.15] 發表
【明報專訊】特首林鄭月娥聽日(周四)到立法會出席個半小時答問會，立會主席梁君彥喺10月《施政報告》特首答問會話過，按《議事規則》，過往發言次數較少議員可優先提問。
慢必：應按政治板塊分提問機會
立法會秘書處噚日提供各議員喺過去特首答問會嘅提問次數，聽日答問會首7名可優先提問議員全部係建制派，包括民建聯蔣麗芸、經民聯石禮謙等。人民力量陳志全(慢必)就話，除咗發問次數，立會主席都應該考慮按政治板塊陣營分配提問機會。
上次10月嘅答問會，民主派由會議廳外抗議到會議廳內，梁君彥兩度宣布暫停會議，個半小時得3個建制派完成發問。林鄭月娥其後話要重新考慮係咪出席每月一次30分鐘嘅「短問短答」環節，又視乎今個月嘅答問會可唔可以順利完成，先決定仲搞唔搞短問短答。
民主派冇傾向唔畀答問會開始
慢必話，民主派聽日冇傾向唔畀答問會開始，因為都有人想提問題，佢都想問林鄭警暴問題，又話未諗答問會期間有咩抗爭行動。
更多港聞
【明報專訊】新人事新作風，除咗警方執法問題，今屆唔少新區議員強調要革新區政。油尖旺區議會噚日召開內務會議，區議員李傲然（Owan）透露，會議...
詳情
【Emily】粵劇加韓流，有無得諗？ 區議員倡推粵劇防彈少年團
【明報專訊】今屆區議員唔少都係年輕人，自然較關注年輕人議題。話說噚日觀塘區議會討論今年1至3月撥款事宜，其間區議員鄧威文就話，賀歲粵劇撥款開... 詳情
港大審視戴耀廷教席 被指違程序公義 校方：委員會僅報告 不會建議解僱教師
【明報專訊】香港大學法律系副教授戴耀廷早前因佔中案被判囚16個月，其後獲准保釋等候下月上訴。港大校友關注組、港大學生會評議會大學事務委員會及... 詳情
【明報專訊】香港家長及教育工作者聯會籌辦「違紀教師投訴工作坊」，惟講者之一教育工作人員總工會會長余綺華前日（13日）表明「活動不恰當」宣告退...
詳情
相關新聞
