【Emily】開會一個鐘先計出席 油尖旺區會杜絕1分鐘議員
[2020.01.15] 發表
【明報專訊】新人事新作風，除咗警方執法問題，今屆唔少新區議員強調要革新區政。油尖旺區議會噚日召開內務會議，區議員李傲然(Owan)透露，會議通過4項措施，包括如果區議員同活動撥款或決議有利益衝突時，有別以前只要書面同口頭申報，新措施仲要求避席；同時亦取消授權票、取消增選委員而另設專家委員，協助區議會運作同提意見。另外，過往區議員出席1分鐘都可以計算出席，但今屆就必須出席1個鐘或多於一半會議時間，以較少者為準。
Owan話，措施隨後喺第二次區議會大會(1月21日)通過就會生效，希望為市民示範更民主、更理想嘅區議會。
一哥下周三赴荃灣區會
唔少新當選區議員都有意詢問警方執法等問題，繼中西區之後，警務處長鄧炳強應允出席荃灣區議會會議。荃灣區議會主席、公民黨陳琬琛向Emily話，收到民政專員通知，鄧炳強有意出席下星期三(22日)區議會會議回應提問。琛哥話稍後會同其他民主派區議員討論當日問題，相信重點關注警暴。被問到覺唔覺得「一哥」有誠意同區議員溝通，佢話要視乎往後會否繼續跟進議題，如果只係聽完意見就算，作用唔大。
更多港聞
【Emily】粵劇加韓流，有無得諗？ 區議員倡推粵劇防彈少年團
【明報專訊】今屆區議員唔少都係年輕人，自然較關注年輕人議題。話說噚日觀塘區議會討論今年1至3月撥款事宜，其間區議員鄧威文就話，賀歲粵劇撥款開... 詳情
港大審視戴耀廷教席 被指違程序公義 校方：委員會僅報告 不會建議解僱教師
【明報專訊】香港大學法律系副教授戴耀廷早前因佔中案被判囚16個月，其後獲准保釋等候下月上訴。港大校友關注組、港大學生會評議會大學事務委員會及... 詳情
【明報專訊】香港家長及教育工作者聯會籌辦「違紀教師投訴工作坊」，惟講者之一教育工作人員總工會會長余綺華前日（13日）表明「活動不恰當」宣告退...
詳情
【明報專訊】申訴專員公署主動調查教育局審批直資與私校調整學費，以及私校收取其他費用機制，發現部分私校收取其他費用達500萬元。公署稱教育局一...
詳情
相關新聞
