【Emily】輸票唔輸心 民記喊繼續服務 途人大叫「光復香港」
[2020.01.13] 發表
【明報專訊】民建聯喺區議會選舉大敗後，一眾黨內領導層噚日落區出席「全港服務日」活動，話未來會一如既往服務市民，初心不變。黨主席李慧琼(Starry)話，雖然該黨嘅區議員辦事處少咗，但日後會喺18區成立唔同嘅平台繼續服務街坊，強調「團隊無散到」，日後會繼續收街坊嘅投訴，同繼續招募義工。Starry發言期間，有途人大叫「光復香港」口號。
喺區議會選舉落敗嘅立法會議員周浩鼎(Holden)話，民記一直都做緊地區工作，又話最近聽到街坊話好擔心新任區議員喺區議會內胡作非為。Holden話民建聯成立咗「議會監察」，監察一眾區議員嘅工作，亦呼籲街坊如果有任何社區問題，仍然可以搵該黨幫手。
Starry話，民記會按照區情，喺18區建立唔同嘅平台服務市民，又話將會落區做選民登記、送揮春，同派發預防武漢肺炎嘅單張。Starry形容，區議會選舉對佢哋而言係鞭策，民建聯會繼續建設社區，推動香港改革，改善深層次矛盾問題。
喺18區建立唔同嘅平台服務
民記喺facebook直播噚日落區活動，唔少網民留言支持，但都有人留言「五大訴求，缺一不可」向民記派嬲嬲。
更多港聞
【Emily】仇栩欣換fb頭像 區議員嘆世界難撈
【明報專訊】下星期就係農曆新年，多名新任區議員把握機會，寫揮春、派年糕同街坊互動。一向外形亮眼嘅東區區議員仇栩欣，就換咗facebook個人... 詳情
【明報專訊】香港眾志周庭透露，獲得日本北海道大學嘅老師邀請，去年10月開始就任北海道大學公共政策大學院嘅研究員（fellow），為期一年。但...
詳情
相關新聞
