【明報專訊】立法會噚日討論《司法人員(延展退休年齡)(修訂)條例草案》時，會計界議員梁繼昌(Kenneth)發言嗰陣不斷畀主席梁君彥話離題，Kenneth質疑梁君彥對佢同其他議員係咪用「兩把尺」，梁君彥一度要休會裁決，最後都容許Kenneth繼續發言。 話說Kenneth發言時提到，一旦做法官就不能私人執業、香港得3間大學有得讀PCLL課程等議題，梁君彥就不斷話佢離題；Kenneth話佢所講嘅係同司法人員供應有關，認為單單係法案本身內容，未足以處理供應問題，又質疑其他議員發言時都可以講各樣議題，主席係咪用兩把尺。 休會裁決後准梁繼昌繼續 梁君彥立即強調自己係用同一把尺，更一度休會去裁決，又話自己一直寬鬆處理議員發言，認為Kenneth言論涉冒犯、希望收回指控；Kenneth強調自己係問問題，梁君彥只要澄清就得，並冇任何指控。梁君彥最終都准許佢繼續發言。
|
| |
| |
