【明報專訊】政府話要全面推動「走塑」文化，《2019年施政報告》寫要推「走塑」午膳先導計劃，政府消息人士話，計劃一方面搵十幾間中小學做現場派飯，另一方面問環保基金撥備300萬元，下年中向50間學校送「四寶」。咩係「四寶」呢？原來就係雪櫃、蒸飯機、洗碗機同消毒機，學校有咗呢「四寶」，學生就可以安心帶飯。 除咗學生食飯要「走塑」，原來政府仲想招募大約80間學校推行為期兩年嘅先導計劃，安裝智能飲水機，畀學生親自設計部飲水機嘅外觀。不過，最近啲學生好鍾意寫「光復香港，時代革命」，如果到時學生要「光復」部飲水機，政府又會唔會「走數」呢？
|
| |
| |
