稱代表民主黨遭質疑 許智峯語塞
[2019.05.17] 發表
【明報專訊】中西區議會噚日舉行大會，民主黨許智峯同黨友吳兆康喺正式開始會議前，就反對《逃犯條例》作口頭聲明。其間阿峯就話代表民主黨反對修例，點知被隔籬嘅民建聯楊學明話佢已被民主黨凍結黨籍，怕佢盜用咗民主黨個招牌，阿峯亦冇即時回應。
阿峯舊年4月因為喺立法會大樓內搶走保安局女職員手機事件，被民主黨凍結會籍，至今未解凍。
阿峯噚日孖住民主黨吳兆康一齊喺開會前做口頭聲明時，講到自己代表民主黨反修例，亦希望在座嘅建制派議員唔好再撐政府強推修例。點知，楊學明一句突破盲點，質疑許智峯已經被凍結咗黨籍，係咪真係可以代表民主黨，仲話「我驚佢盜用民主黨招牌呀！」而阿峯嗰刻都冇回應到，大會繼續。
更多港聞
第22屆校園記者：校記採訪「記憶保育者」 看霓虹燈四射 聽招牌說故事
【明報專訊】昔日香港的霓虹及燈箱招牌琳琅滿目，營造出五光十色的獨特街景，但這種特色景觀正逐漸消失。招牌保育組織「街招」創辦人、建築師麥憬淮（... 詳情
相關新聞
