【明報專訊】由導彈驅逐艦「中華神盾」海口艦同導彈護衛艦黃山艦組成嘅中國人民解放軍海軍171編隊，早前執行完海軍成立70周年閱艦任務後返航，途中停泊香港，噚日起一連四日喺昂船洲碼頭舉行艦艇開放活動，第一日就吸引咗約5000名市民參觀。唔少人趁機同官兵合照，有市民專程帶囝囝嚟軍營參觀，希望畀佢了解國家嘅國防建設同發展。 海口艦同黃山艦噚日開放咗主甲板同艦艇中間走廊畀人參觀，軍營碼頭亦陳列咗超過20支槍械裝備，有解說員講解基本知識同使用技巧，市民可以喺解說員指導下，近距離參觀並模擬使用槍械，同時可以一睹艦載直升機同艦載武器嘅真面目。兩艘軍艦掛滿信號旗，Emily得知，原來掛滿信號旗係勞動節嘅節日禮儀，仲表達咗艦隊對香港市民嘅熱烈歡迎。 (中通社)
|
| |
| |
;){kind=small}
