【明報專訊】全國政協副主席、前特首梁振英(CY)近日經常喺facebook出post，點出不同嘅商戶於《蘋果日報》賣廣告，記協曾經出聲明指CY做法係向廣告商施壓。社民連主席吳文遠前晚6點幾發起眾籌夾錢登廣告，噚日下晝3點幾就發文話已經達標籌到13萬元，計劃下周刊登頭版廣告「問候梁振英」。 吳文遠噚日話仲研究緊廣告內容，「免得到時梁振英會發律師信畀所有夾過錢(登廣告)嘅人」，並認為事件反應熱烈，證明前特首喺港人心中極度不受歡迎。或許因呢件事係近日網上熱話，故今次都有唔少人喺網上話想搞眾籌，仲有少許爭議，如藝人杜汶澤就話吳文遠搞眾籌係「抄橋」、係慢過《100毛》主持東方昇嘅同類建議。吳文遠之後出文話阿澤誤會咗，實情佢上周五已經出咗文呼籲登廣告。
|
| |
| |
