【明報專訊】立法會噚日繼續就《國歌條例草案》召開會議，唔少議員關注何謂有尊嚴地奏唱國歌。本身係律師�嬼簞陲T(Paul)，重提自己當年曾因違反律師行業�鵅u操守」、「尊嚴」而被停牌，「我都嘗過苦頭，唔係坐監，但係律師停牌都等於坐監�謚捸v。

當年Paul因為賣廣告、拍攝近乎全裸照片等事，被裁定違反專業操守。佢話法律上要有靈活性，唔可以將「尊嚴」字眼過分定義，否則只會製造更多矛盾、拗餐死。

Paul形容國歌法係「鹹淡水交界」，牽涉到內地法律，香港都要參照國內概念。政制及內地事務局常秘鄧忍光就話，遵守肅立、舉止莊重，冇不尊重國歌�鵀甈陛A已經充分做到「尊重」。

答毛孟靜提問 鄧忍光：rap國歌不違法

議會陣線毛孟靜就問，若用rap(說唱)形式唱國歌，相信唔可以話係「莊重」，但會唔會話一定違法呢？鄧忍光就明言，純粹以呢種音樂形式唱國歌本身，係唔會違法。委員會主席廖長江�鷊|議將近結束時，決定延長會議時間15分鐘，並打算開始審議下一條國歌法條文，引起泛民不滿，議會陣線陳志全就提出點人數，所有泛民隨即離席，結果點��15分鐘都湊唔夠人，打完鐘15分鐘，廖長江就宣布會議結束。