【明報專訊】新田購物城籌備近3年，終於都有試業日期。有份籌辦購物城、人稱象哥嘅民建聯立法會議員黃定光話暫定2月3日(周六)試業，目前已經有一半商戶進駐，即約100間店舖會試行營運，到時連「甩尾車」嘅遊樂設施都會一併開放。今年大年初一係2月16日，象哥話，好多商戶都好心急，想趕及歲晚年宵檔期，佢早排都叫商戶簡單裝修，唔使裝冷氣住，盡快開業。

象哥早前就已經同G2000、759阿信屋、榮華餅家、卓悅等商戶簽約，預料佢哋都會一併開業。Emily今個月初去過購物城舉辦嘅「新田狂歡嘉年華」，購物城鄰近落馬洲口岸，位置比較偏遠，上水站同元朗西鐵站都各有一條巴士路線可以到購物城，兩條路線都係大約10分鐘一班車，車程約需15分鐘。