【明報專訊】37歲嘅新民黨區議員陳家珮(Judy)考慮參加港島區立法會補選，甚大機會同剛剛滿21歲嘅香港眾志常委周庭對撼。Judy話自己係在職媽媽，希望建立形象獨立同專業嘅感覺，笑言吸唔到「宅男票」，「我都驚，如果有宅男鍾意我」。 Judy話，喺補選中最大嘅挑戰，係打破泛民同建制得票嘅六四比例，強調一定會全力以赴。Judy話已經開始約見唔同建制派政黨，爭取支持，不過由於立法會審議議事規則，令新民黨主席葉劉淑儀好難抽到時間同佢見其他政黨。 Judy話自己係在職媽媽，因此好了解其他媽媽嘅困難，例如請外傭、搵保母方面等，因此會提倡相關政策協助在職媽媽。佢亦強調自己係區議員出身，因此「接地氣」了解市民日常需要。
|
| |
| |
;){kind=small}
