【明報專訊】移民英國嘅港產數學神童羅宏博(Wang Pok Lo)，兩年前已經喺蘇格蘭高級程度考試數學科奪A，之後一路讀中學，一路喺當地公開大學(Open University)讀數學學士學位課程，今年佢以13歲之齡完成學位，仲係以一級榮譽成績畢業，佢將會開始讀碩士𠻹。 7歲識微積分 高考數學奪A 英國《每日快報》報道，羅宏博2006年同家人移民英國，1歲識背中國古詩、2歲就識加減乘除、7歲識微積分，11歲就喺當地高考數學科奪A。 羅宏博話佢好鍾意數學，但係佢知道將要學嘅會愈來愈難，更有挑戰性，因為讀數學要學好多抽象嘅概念，好多時都要靠邏輯同推理。佢將會以兼讀形式喺錫菲大學(Sheffield University)修讀醫療應用統計碩士。羅宏博嘅高中老師Cara Prot就話，學校呢幾年可以有羅宏博呢個學生實在係太好，形容佢喺數學上嘅天賦令人鼓舞，學校十分樂意支持佢嘅學習。
|
| |
| |
;){kind=small}
