【明報專訊】政府早前修例將小巴由16座加至19座，又鼓勵業界引入低地台小巴。小巴營辦商「進智公交」早排就訂�鬙�港首架低地台19座小巴，噚日更邀請運輸及房屋局長陳帆、勞工及福利局長羅致光同埋立法會議員參觀新車。立法會交通事務委員會主席陳�絔g更客串坐埋上輪椅，再由陳帆推上車，話實測�龠雁禷飯Z。

不過Emily數一數，小巴座位連埋輪椅位置其實可載20人，但新例只容許載19人，如果滿座後即使有輪椅乘客想搭車都唔得。民建聯議員劉國勳話留意到呢個問題，立法會復會後，將聯同其他議員提出修訂，要求當局豁免，准低地台小巴以「19+1」方式載客。

進智公交行政總裁陳文俊就話，雖然低地台小巴車價貴普通小巴一倍，但車費唔會變。佢預計新車將行駛堅尼地城至瑪麗醫院��54M路線，最快月尾完成審批並投入服務。航運交通界立法會議員易志明就話，低地台小巴較一般小巴貴一倍，車價約150萬蚊，期望政府能提供資助，津貼業界買車。