【明報專訊】康樂及文化事務署噚日公布首份「香港非物質文化遺產代表作名錄」，共涵蓋20個項目，包括港式奶茶同舞火龍等。政府話呢份名錄可以為當局提供參考依據，就保護香港非物質文化遺產時訂立緩急先後次序。 代表作名錄共有20個項目，當中一半嚟自早前已被列入「國家級非物質文化遺產代表性項目名錄」嘅10個本地項目，包括粵劇、涼茶、西貢坑口客家舞麒麟同長洲太平清醮等。另外10個項目則由非遺諮詢委員會經審議後推薦，再經3個月諮詢，收集公眾意見先得出，包括南音、中秋節——薄扶林舞火龍、食盆、港式奶茶製作技藝、紮作技藝同戲棚搭建技藝等。非遺諮詢委員會話呢20個項目都能體現香港傳統文化，並具有重要嘅歷史同藝術等價值。 政府話，非遺辦事處將加強對代表作名錄項目嘅教育同推廣工作；而民政事務局轄下嘅華人慈善基金亦將推出試驗計劃，撥款資助推廣非遺項目嘅活動。
|
| |
| |
;){kind=small}
