泵定26樽奶快飲完 不捨愛女爆喊 鍾嘉欣趕返溫哥華餵人奶
【明報專訊】32歲鍾嘉欣8月在溫哥華產女後，首度返港出席昨晚於中環Emporio Armani旗艦店舉行的Emporio Armani Remix慶祝酒會，身形弗爆的鍾嘉欣成為全場焦點。今次她旋風式留港43小時即急返溫哥華，她坦言不捨得愛女Kelly，兼趕回去餵人奶，說時忍不住眼濕濕。她現在將女兒放在第一位，自爆為這次離開女兒3天曾爆喊數小時，所以短期內都不復出拍劇。
鍾嘉欣產後兩個月已成功收身，昨日傍晚穿著短裙離開寓所時，騷長腿索爆。由於她在活動後乘搭凌晨1時機離港，所以拉着行李篋，乘車往出席活動。品牌安排她壓軸出場，現場大批粉絲舉牌歡迎，鍾嘉欣顯得有點緊張，微笑揮手回應，還騷手上的婚戒。
B女放第一位 不拍《溏心3》
鍾嘉欣接受訪問表示品牌多年來好支持她，常借靚衫給她出席活動及頒獎禮，所以今次邀請她立即答應。至於她急着返溫哥華，她直言要湊B及餵人奶﹕「我走之前泵咗26樽奶畀女兒Kelly，快飲完無奶了，一定要返去。」有指她出席活動1小時酬勞20萬港元？她說酬勞可觀。未來她都會返港，要看工作安排。問到會否拍劇集？有傳她會拍《溏心風暴3》？她說﹕「短期內都未可以拍劇，因為BB好細，我仲要餵奶。點都要等她6個月或1歲才再決定可否接長時間的工作。現在做媽媽後，BB是家庭的No.1，我好感謝公司、所有高層都好支持我，好感恩。我仍鍾意工作、有夢想，但目前什麼都以個女同老公為先，無可能離開女兒半年拍劇，死得了。」
分開3日 似成個世紀無見
她提到與女兒分開3天，女兒沒有扭計，反而自己在出發前及返港的飛機上喊了數小時，說時都眼濕濕。因今次是她離開女兒最長時間，她說﹕「上次最長是去飲宴3小時，其實已經頂不順，今次3日好似成個世紀無見佢咁。(老公可有叫你專心湊女不要工作？)其實由拍拖到現在他都好支持我，知道我的工作在香港，將來會如太空人飛來飛去。今次他請了3日假湊女，換尿片、餵奶都搞得掂，但應該是我勁，湊得個女好好，又準備好所需物品，令她好滿足，瞓得好。(之前說想生4個，回去是否繼續造人？)講啫！順其自然，湊好Kelly先。」
叫大家幫女兒改中文名
鍾嘉欣未幫女兒改中文名，她問記者們意見。「我中文唔好，想改3個字梁乜乜，同想個名溫和啲，因為Kelly是馬騮又是獅子座，我鍾意『心』、『柔』呢啲字。(在《溏心風暴》叫常在心，不如改『梁在心』？)唔得，聽落好怪，大家幫手想想。我走咗11個月，日日講英文，返嚟都驚唔識答嘢。」讚她收身快？她說是餵人奶的功效，加上湊B就愈來愈瘦，變回以前般。她返港未有時間約姊妹相聚，前日返港，因大廈10多小時無水，她要到會所冲涼，泵奶機火牛又燒了，還要整理信件、抹塵、交費用等，十分忙碌。
阿Sa不再秘婚﹕上次好浪漫
同場嘉賓還有蔡卓妍(阿Sa)、薛凱琪、周柏豪等。阿Sa與鍾嘉欣相熟，說要恭喜對方。問她是否羨慕？她覺得每個人有不同階段，等天安排。會否閃婚或再秘婚？她笑言﹕「我改邪歸正喇！」她自言對婚姻仍有憧憬﹕「我上次都好浪漫，嗰一下想結婚就結，所以無得計劃，最重要遇到嗰個人，好想跟他過以後的生活。」有指她與阿嬌鬥愁？她撥一撥頭髮說﹕「我一啲都唔愁喎！人生不只得愛情，我𠵱家有事業，最緊要有財富，仲可以再多啲，又有好多朋友，屋企又多隻狗。」
薛凱琪鍾意中國人
薛凱琪得知吳雨霏小產，說知道對方是教徒，或者可以一齊通過Whats App祈禱，希望心靈平靜。她剛自倫敦度假返港，瘋狂購物及到看了好多個博物館。朋友有否介紹外籍男士給她？她自言一向鍾意的都是中國人，父母管得好嚴，男仔太自由會令她欠安全感。
記者﹕陳釗
攝影﹕孫華中、劉永銳、黃梓烜
■更多娛樂猛料 ﹕ol.mingpao.com
陳慧琳重溫舊作 蝦餃仔讚打得勁 黃宗澤否認種生基﹕不如種蠔
【明報專訊】陳慧琳（Kelly）、謝婷婷、黃宗澤、李治廷及吳千語等昨晚出席Burberry活動。陳慧琳表示今日出席活動不用湊仔，照顧兒子的責... 詳情
