高永文梁卓偉玩波波池
[2016.10.17] 發表
【明報專訊】香港大學醫學院出年慶祝成立130周年，噚日佢哋就搞咗一個啟動禮宣傳未來一年嘅慶祝活動，仲設計咗唔少攤位遊戲與眾同樂，包括一個大型波波池畀參與者釋放壓力，醫學院院長梁卓偉即場邀請食衛局長高永文同副局長陳肇始「玩波波」，佢哋三人一入池就幾乎畀白色波波淹沒，之後都同波波池入面嘅小朋友玩得好融洽，仲笑到見牙唔見眼，果然童心未泯！
多項活動賀港大醫學院130年
梁卓偉話，港大醫學院前身係香港華人西醫書院，亦係香港第一所提供高等教育嘅機構，佢話呢130年醫學院都見證同參與香港及成個亞太區嘅醫療發展，未來一年會有連串慶祝活動，包括出版著作分享醫學院快速發展嘅編年史，仲會舉辦由本地攝影記者謝至德操刀嘅攝影展，用相片訴說師生嘅醫學院生活。
更多港聞
【明報專訊】聯合國組織把每年的10月17日定為「國際滅貧日」，小童群益會助理總幹事（機構發展）黃貴有促請政府，及早介入基層兒童的教育，增加他...
詳情
相關新聞
