印水紙洗唔甩 卿姐帶「紋身」開會
[2015.10.24] 發表
【明報專訊】雖然𠵱家已經10月，但天氣仍然好熱，民主黨主席劉慧卿噚日去立法會開會着住短袖衫，一眾記者發現佢左右手都有一大幅公仔圖案，大家都好奇，唔通卿姐學人紋身？原來卿姐上星期日出席「圖騰跑」做嘉賓，佢當然無落場跑，但大會就幫佢用印水紙將圖騰印喺雙手，點知過咗咁多日都仲未洗得甩。
做嘉賓印圖騰「中伏」
卿姐話，當日用印水紙印呢個圖案，對方仲同佢講第二日就可以洗得甩，但點知中伏，搞咗差不多一星期圖案仍然好明顯，佢話自己當然無好大力咁捽走個圖案，又笑住話好彩當日佢無將圖案印喺塊面，唔係就真係出事。
更多港聞
【明報專訊】懲教署學員噚日舉行結業會操，有27個懲教主任同68個二級懲教助理畢業。其中一個喺訓練中拎到「金笛」嘅二級懲教助理尹炩心話懲教工作...
詳情
相關新聞
