區諾軒教日文班大受歡迎
[2015.05.30] 發表
【明報專訊】做區議員唔只要蛇齋餅糉，仲要開拓年輕人市場，民主黨南區區議員區諾軒今年暑假搞搞新意思，舉辦日語速成班，由佢親自任教。原來區諾軒曾經喺東京留學一年，日本語能力試驗n1合格，今次免費教日文，剛喺facebook出海報，就已經吸引好多人報名。區諾軒同Emily講，估唔到反應咁踴躍，本來諗住喺辦事處搞，?家可能要租禮堂先至得。
區諾軒話，自己近年已經好少機會用日文，舊年雨傘運動期間，有日本電視台訪問佢，佢覺得自己講得麻麻，所以今次日文班只係教6堂，畀大家旅行日本時可以講兩句，仲話唔好太高預期。早排青年事務委員會主席劉鳴煒叫大家如果想儲錢買樓，唔好去咁多日本，區諾軒就話，如果畀佢揀買樓同去日本，佢一定會選擇去日本，因為要及時行樂嘛。
更多港聞
【明報專訊】國泰空中服務員工會前日同勞方談判達成共識，資方答允員方三大訴求。國泰工會噚日召開周年會員大會，答謝一班會員一直好支持工會嘅行動，...
詳情
相關新聞
