大姐大手記﹕娛圈「愛犬號」 傅明憲為狗狗暴瘦
葉佩雯貼身服侍病重珍珍
【明報專訊】葉佩雯(Grace)和老公郭偉亮(Eric)是「愛犬號」，經常post他們和3隻愛犬遊車河，四圍去的相片上微博。3隻愛犬分別是15歲的史立沙珍珍，9歲和11歲的白威Nana和Toro 。
針灸保命 相伴每一天
Grace視珍珍、Nana和Toro如子女，Grace跟大姐大說﹕「珍珍之前患癌病，胃都變咗形，大小便有血，唔開心咗幾個月，但無講畀大家知。睇完第一個醫生，醫生叫我送佢走，經歷生離死別，真係好難受！要時間去平復。當時Eric又搞緊演唱會，唔想影響他。」Grace眼泛淚光。其後在朋友介紹下轉睇中醫，中醫幫珍珍針灸後仍能活下來，她和老公目前的心態是珍珍活一天就賺一天。
珍珍僥倖生存，Grace好開心，她說﹕「牠鍾意做什麼，我就陪牠做什麼。牠鍾意去街步行，我就每日和牠落街，還為牠煮愛心餐，要有菜有肉，均衡飲食，牠營養比Eric還要好。」Grace全天候貼身服侍珍珍，Eric無呷醋，因為Eric既是「愛犬號」，亦是「愛妻號」，反過來安慰太太，輔導Grace要接受。
發福的Grace多次被傳媒誤會有喜，她每次都澄清。大姐大都質疑她是否懷孕？她笑笑口說﹕「唔係，真係唔係，我內分泌失調，水腫，現在睇中醫調理，本來加埋跑步去減肥，但之前『拗柴』，跑唔到！」經常被誤會懷孕，會否尷尬？她笑說﹕「都尷尬咗10幾年了！」
內分泌失調 水腫非懷孕
大姐大好奇問Grace那麼有愛心，為何不生小朋友？Grace話無想過，她和Eric都愛自由，隨時飛，不想被小孩綁住，她說﹕「奶奶又無催我們生，她沒所謂，因為Eric細佬有4個小朋友，Eric經常和細佬講『你生埋我嗰份。』」
熊黛林鄺美雲視狗如命
熊黛林也是愛犬之人，以前去男友郭富城家，都帶埋愛犬，不介意愛犬做電燈膽。鄺美雲和傅明憲更加是「狗癡」，鄺美雲跟葉佩雯一樣，視法國比熊犬Cash和Euro如己出，Cash和Euro定時做Spa、海底泥按摩、剪毛、修甲和歎鵝肝。傅明憲高峰期同時間養了8隻狗，曾因養了10多年的愛犬離世，傷心得食不下嚥而暴瘦，又為離世的愛犬做法事。
