【Emily】萬宜東壩迎五一 小巴借車借司機
[2025.04.25] 發表
【明報專訊】近期每逢假日西貢萬宜水庫東壩都迫爆，下星期就係五一黃金周，西貢一二號專線小巴有限公司總經理馮致華噚日話，會加強來往北潭涌及萬宜水庫東壩嘅小巴9A線，平日有六七架車，五一期間將租借其他公司嘅車，加到30架，已經提前培訓司機。
9A線加到30架 「清晒客先收車」
馮致華喺商台《在晴朗的一天出發》話，已經向其他公司租借15架車同一定數量嘅司機，「借車借司機」係全新嘗試，未來其他地方要緊急增加服務都可以沿用。他又話，原本9A線嘅熟路司機教咗新司機路線走法，「教他們邊啲路要避，睇清楚轉彎位」。
佢話，9A線最後一班車仍會寫明係夜晚7點，但當日會聽住司機匯報，因應現場情况加車，強調幾點都會「清晒客先收車」。佢仲提醒遊客「準備定雨遮、水和『時間』」，笑住話如果塞車，20分鐘來回車程可能變成45分鐘，所以要準備乾糧。
另外，九巴今個周末同五一黃金周期間會加密5條西貢路線嘅班次，包括289R、96R、33R、74R同94。
更多港聞
【明報專訊】「中國—東盟聯合合作委員會」代表團前日起訪港兩日，其間分別同署理特首林定國、運物局長陳美寶、財庫局長許正宇會面，今次都係林定國第...
詳情
【明報專訊】嚟香港嘅遊客都好習慣用電子支付，八達通噚日話，剛過去嘅復活節假期（4月18至21號）旅客版手機八達通嘅使用人數比舊年同期增加62...
詳情
【Emily】機場停車場增泊位 擬搬旅巴停候區
【明報專訊】唔少旅客會預約車輛往返機場同市區，民建聯日前去機場了解停車場運作，引述機管局話機場停車場泊位打算重新規劃，增加泊位同實施車輛分類... 詳情
【Emily】廣州睇「最小應急單元」演練 隊員舉叉議員舉機
【明報專訊】立法會保安事務委員會噚日到廣州做職務考察，朝早去咗天河區嘅「天河城商圈」參觀「最小應急單元」演練。根據立法會網站嘅相片，幾個最小... 詳情相關新聞
