【Emily】機場停車場增泊位 擬搬旅巴停候區
[2025.04.25] 發表
【明報專訊】唔少旅客會預約車輛往返機場同市區，民建聯日前去機場了解停車場運作，引述機管局話機場停車場泊位打算重新規劃，增加泊位同實施車輛分類，方便乘客坐車。
民建聯立法會議員李慧琼、陳恒鑌、何俊賢前日去機場視察停車場運作，而家去機場接送旅客嘅車集中用一號停車場，陳恒鑌預期用一號停車場嘅車會進一步增加，長遠仲要回應的士車隊以至網約車等需求，建議為各類車輛劃分專區。佢引述機管局預告，話二號客運大樓今年分階段啟用後，會搬走一號停車場旅遊巴停候區，並增設室內候車區，到時的士車隊等候區將會更清晰，有助避免塞車。
李慧琼就關注三跑啟用後航班滑行到客運大樓需要更多時間，機管局話二號客運大樓落成後情况會改善，正測試無人駕駛接駁系統疏導旅客。
更多港聞
【Emily】廣州睇「最小應急單元」演練 隊員舉叉議員舉機
【明報專訊】立法會保安事務委員會噚日到廣州做職務考察，朝早去咗天河區嘅「天河城商圈」參觀「最小應急單元」演練。根據立法會網站嘅相片，幾個最小... 詳情相關新聞
