【Emily】工聯倡推文學遊 獻計蕭紅主題路線
[2025.04.24] 發表
【明報專訊】近年唔少遊客鍾意深度遊，工聯會噚日公布《港島歷史文化深度遊發展策略研究》，建議政府加強發展文學旅遊，例如以「南來文人」、本地文學為主題。工聯會建議改善相關旅遊配套，包括紀念二戰期間經香港撤離嘅文化界，喺赤柱設立「文化名人大營救紀念館」，並喺銅鑼灣海濱設立文人撤離雕塑。
調查：75%內地客出遊考慮歷史文化
工聯會去年底以問卷訪問431名內地遊客，75%選擇旅遊目的地時會考慮當地歷史文化豐富和獨特性，比選擇交通便利嘅仲多。
問到有興趣參與咩旅遊主題，約六成對「舊區本土文化」感興趣，鍾意「文學遊」都有近四成。工聯會認為，以文學同文人為主題嘅深度遊短期經濟效益不大，但有唔少潛在遊客，仲獻計策劃多條「文學深度遊」路線，包括以近代作家蕭紅及本地推理小說《香江神探福邇，字摩斯》為主題，又建議優化南區文學徑。
工聯會亦促請政府加強保護霓虹燈、老字號等特色事物，推出一站式應用程式為遊客提供導賞團、交通等資訊，加強培育導賞員等。
更多港聞
【明報專訊】大律師公會今年向3個新晉大律師郭馨蔚、彭楨懿同謝易庭頒發沈澄紀念獎學金，資助佢哋去海外進修嘅課程費用、機票同生活費。今年獲獎學金...
詳情
相關新聞
