【Emily】龍城泰繽紛開鑼 今明有電音潑水
[2025.04.12] 發表
【明報專訊】九龍城呢排好熱鬧，除咗啟德體育園有演唱會帶動人流，區內噚日起至周日(13日)喺賈炳達道公園足球場搞「18區日夜都繽紛@龍城美食潑水泰繽紛2025」，市民同遊客可登記參與潑水環節，場內仲有泰國傳統祝福儀式，又可品嘗地道泰式美食、選購特色商品。
有泰拳比賽 可嘗泰式美食
泰繽紛活動由九龍城民政處及地區團體合辦，噚日晏晝開幕，今日同聽日都有泰拳示範，市民可以免費觀賞緊張刺激嘅泰拳比賽。大會喺今明兩日會分別搞4場及5場「電音×潑水體驗」，現場有DJ打碟，畀參加者聽住強勁音樂玩潑水，又有泰國特色歌舞表演等活動。
九龍城區內商戶亦響應，活動期間會有優惠及抽獎節目。今日活動下午3時至夜晚9時半舉行，周日就由中午至夜晚9時半。
更多港聞
【Emily】大專生拍港靚景 外交公署短片賽奪冠
【明報專訊】外交部駐港特派員公署舉辦嘅第三屆「我的香港故事」英文短視頻大賽噚日頒獎，冠軍由保安局青少年制服團隊領袖論壇4個大專成員奪得，作品... 詳情
【Emily】叮叮教道路安全 「唔睇鷺」「亂入猿」做壞榜樣
【明報專訊】香港電車噚日開始「叮叮道路安全大行動」，仲設計咗「叮叮貓」做交通安全大使，同埋「唔睇鷺」及「亂入猿」兩個壞榜樣做反面教材。 ... 詳情相關新聞
