【Emily】叮叮教道路安全 「唔睇鷺」「亂入猿」做壞榜樣
[2025.04.12] 發表
【明報專訊】香港電車噚日開始「叮叮道路安全大行動」，仲設計咗「叮叮貓」做交通安全大使，同埋「唔睇鷺」及「亂入猿」兩個壞榜樣做反面教材。
香港電車交通營運及服務總監譚憬朗話，留意到每日都出現唔少驚險場面，最常見包括行人亂過電車軌、單車闖入電車專線範圍、途人及旅客喺路軌隨意步行或「打卡」，呢啲行為都潛藏極大風險。
兩個壞榜樣各有職責，「唔睇鷺」負責教育市民，就算身處行人過路處，過馬路前都要左右觀察，等電車停定先步出。「亂入猿」就輕佻調皮，負責呼籲踩單車嘅人留意車輛盲點，皆因電車停車需時，閃避唔到突發情况。灣仔杜老誌道電車站今個月內亦會成為交通安全主題電車站，仲有主題電車嘅車尾會寫住「咪貼太近」。
更多港聞
相關新聞
