【Emily】第17屆外交杯啟動 副特派員：了解國情重要平台
[2024.12.03] 發表
【明報專訊】第十七屆香港杯外交知識競賽即將舉行，大會噚日喺外交部駐港公署舉行啟動儀式。唔少學校都會派學生參賽，公署副特派員李永勝話，呢項競賽已成為重要嘅公共外交品牌活動，係香港青少年了解國家外交和國情知識嘅重要平台。李永勝又提及，明年係聯合國成立80周年，亦係萬隆會議召開70周年，話呢兩件大事喺外交史上有重要意義。
新一屆比賽以「感知外交 融通世界」為主題，話想鼓勵青少年進一步了解中國特色外交，深入思考青少年點樣可為國家外交做出更多貢獻。大會話比賽會結合中小學實際情况，做好試題設計，會創新賽制形式，要豐富獎勵內容。李永勝話歡迎學界持續關注同積極報名參賽。
大會又話，今年7月底第十六屆競賽嘅10間優勝學校師生代表去咗訪問北京和甘肅，親身感知中國嘅外交風采，而香港電台參訪活動，拍攝成三集電視節目，會喺本周四開始一連三個星期晚上8點於31台播出。
更多港聞
【Emily】向高中生分享經歷 盧煜明話做校長繼續科研
【明報專訊】中文大學候任校長盧煜明噚日喺東華三院東蒲胡李名靜體育館舉行講座，以「無創產前檢測和癌症篩查：從夢想到現實」為題，分享科研路，近1... 詳情
鄭雁雄籲大學堅持國際化建合作網 大學校長論壇致辭 稱中央撐護學術自主自由
【明報專訊】香港對外交流友好協會主辦的「大學校長高峰論壇2024」昨起一連兩日在灣仔會展舉行，本港多間大學校長及學者出席。中聯辦主任鄭雁雄昨... 詳情
相關新聞
