【Emily】向高中生分享經歷 盧煜明話做校長繼續科研
[2024.12.03] 發表
【明報專訊】中文大學候任校長盧煜明噚日喺東華三院東蒲胡李名靜體育館舉行講座，以「無創產前檢測和癌症篩查：從夢想到現實」為題，分享科研路，近1900名東九高中學生、多名中學校長、老師同嘉賓參加。盧煜明仲話佢做咗校長後會繼續科研工作，亦鼓勵同學仔搵到自己鍾意嘅科目。
盧煜明被譽為「無創產檢之父」，佢話自己嘅無創產檢技術同癌症篩查技術都係從「查不到的個案」開始、從「被笑」開始，最後取得突破。佢透過創立公司嘅經歷說明改善香港科創環境要多方協作，重視專利權；總結時鼓勵在場學生如果將來讀醫，可考慮不僅成為醫生，更成為醫生科學家，幫助更多人。
今次「The Next？科學家談『生命』」講座活動，由議員鄧家彪任召集人嘅治港新政、治港新政教育基金會主辦，觀塘區學校聯會及黃大仙區中學校長會合辦，獲香港數碼港支持。
更多港聞
鄭雁雄籲大學堅持國際化建合作網 大學校長論壇致辭 稱中央撐護學術自主自由
【明報專訊】香港對外交流友好協會主辦的「大學校長高峰論壇2024」昨起一連兩日在灣仔會展舉行，本港多間大學校長及學者出席。中聯辦主任鄭雁雄昨... 詳情
相關新聞
