【Emily】剛爆甩轆 渣馬獲「M」品牌
[2024.01.13] 發表
【明報專訊】渣打香港馬拉松(渣馬)今個月21日舉行，日前有海外跑手反映未能下載大會指定應用程式，難以預約領取跑手包，惹來批評，但噚日大會就接到好消息，今年舉辦嘅渣馬獲大型體育活動事務委員會頒授香港「M」品牌認可。文體旅局回覆，渣馬獲「M」品牌認可及1500萬元上限嘅配對撥款資助。
大型體育活動事務委員會主席吳守基話，渣馬同其他「M」品牌活動一樣，不但推動體育發展，展示香港舉辦世界級體育賽事嘅實力，而且為香港增添姿采同活力，吸引更多海外旅客訪港，提升香港作為國際體育盛事之都嘅地位。
獲讚提升國際體育盛事之都地位
「M」品牌計劃旨在鼓勵及協助本地體育總會、私人及非政府機構舉辦更多大型國際體育活動，根據審批計分制，滿分係100分，獲頒「M」品牌至少要80分，其中活動嘅國際地位及重要程度佔分最重，共佔30分，其次考慮財務係咪可行及社會效益，主辦方技術同管理質素則佔10分。
Emily問過文體旅局，今次渣馬應用程式「甩轆」事件會唔會影響撥款考慮，不過局方就未有進一步回應。
更多港聞
【明報專訊】今日係台灣大選投票日，今年多咗一批港人成為首投族，包括喺當地定居嘅佔中發起人、台灣政治大學社會學系客座教授陳健民。佢接受《德國之...
詳情
【Emily】港人中環失AirPods 網民助澳洲搵番
【明報專訊】有網民早排喺香港唔見咗Apple無線耳機AirPods Pro，最後靠網上力量，穿越7411公里喺澳洲搵番。事主Leo噚日向Em... 詳情
【Emily】新任內會副主席陳健波 同大主席開早會
【明報專訊】新一屆立法會會期展開，噚日內務委員會首次開會，主席李慧琼喺會上先歡迎新任副主席、保險界議員陳健波，又提到立法會主席梁君彥將會喺2... 詳情
相關新聞
