【Emily】新任內會副主席陳健波 同大主席開早會
[2024.01.13] 發表
【明報專訊】新一屆立法會會期展開，噚日內務委員會首次開會，主席李慧琼喺會上先歡迎新任副主席、保險界議員陳健波，又提到立法會主席梁君彥將會喺2月23日設新春午宴，宴請特首、行政會議成員、政府高級官?員同立法會議員。
梁君彥一如以往喺內會舉行前，先同內會正副主席、立法會秘書長等開「早會」準備，而今次「早會」就換上接替馬逢國做內會副主席嘅陳健波。梁君彥話陳健波做過7年財委會主席，有豐富主持會議嘅經驗，相信轉換場地，都必定可以同連任主席嘅李慧琼一拍即合。
另外，各事務委員會將陸續選出新一屆嘅正副主席，噚日提名期結束，各獲提名嘅委員會正副主席都無競爭，相信都會自動當選。絕大部分委員會都換晒人，只有保安事務委員會繼續由民建聯陳克勤同選委界簡慧敏擔任正副主席，司法及法律、教育、交通事務委員會主席亦維持不變，分別由「班長」廖長江、經民聯梁美芬、民建聯陳恒鑌續任。
更多港聞
相關新聞
