【Emily】討論在院舍離世 多人超時無截停 謝偉俊唔限發言 議員致謝
[2024.01.06] 發表
【明報專訊】立法會一個附屬法例小組委員會噚日討論修例容許院友喺院舍離世，有議員發言後多謝主席謝偉俊不設發言時限，仲容許議員三輪發言。謝偉俊亦有感而發，話「唔係我特別好，其實唔應該係咁」，只要議員發言同會議內容相關或合情合理，身為主席應該要為議員提供充分時間同自由度。
噚日會上多個議員同官員發言超時，謝偉俊無即刻截停，仲幫議員追問同要求官員補交文件。佢喺會議第一部分結束後話今屆議會特別加強效率，但喺發言時間同自由度等方面對議員發揮作用嘅限制太多，今次草擬條文相對簡單，所以希望議員可以喺政策層面講多啲。
話今屆議會對議員限制太多
新一屆立法會下周三(10日)開始，噚日舉行今屆最後一次內務委員會，亦係馬逢國最後一次以內會副主席身分出席會議，內委會主席李慧琼喺會議之初同結尾都感謝馬逢國任內盡心盡力、貢獻良多，又話二人過去一直合作無間，「再次感謝馬逢國對內會工作的熱情、熱誠、投入、盡心盡力」，全場議員兩度鼓掌，馬逢國最後都鞠躬致謝。
更多港聞
【Emily】旁聽西貢區會 前主席：DO似班主任
【明報專訊】新一屆區議會開鑼，民主派絕迹，但噚日西貢區議會首次開會，原係民主派嘅該區前主席周賢明就在場旁聽。佢同Emily講，新制下開會「好... 詳情
【Emily】接生元旦B護士：盼成長唔使爭第一
【明報專訊】瑪麗醫院早前迎來公立醫院今年首個「元旦BB」，仲短短半個鐘內迎來另一BB。該院facebook噚日發文分享，除夕夜出現緊急剖腹產... 詳情
【明報專訊】近日大批內地遊客來港跨年倒數後滯留，引起社會討論，新民黨立法會議員何敬康噚日去信財政司長陳茂波，建議推出「訪港旅客消費折扣券」計...
詳情
相關新聞
