【Emily】港隊歸來 周六政總慶祝
[2023.10.10] 發表
【明報專訊】杭州亞運前日結束，港隊奪得破紀錄嘅53面獎牌，特區政府噚日喺機場舉行儀式迎接港隊返港，傍晚7點，約70個港隊成員步出接機大堂，部分人掛起獎牌喺心口上台，同政務司副司長卓永興、文體旅局長楊潤雄、康文署長劉明光等人合照同交流，另亦有唔少港隊成員嘅家屬去接機，喺歡迎儀式過後一家人合照。
卓永興楊潤雄接機
卓永興事後除咗讚賞奪獎牌嘅運動員，之前喺高官足球隊守龍門嘅佢，特別提到香港男子足球隊歷史性殺入亞運四強，話球員鬥志同拼搏獲得好多市民認同。卓永興話十分期待各運動員喺日後嘅大型體育賽事再放異彩。
楊潤雄噚日喺facebook出post話，本周六(14日)會喺政府總部搞亞運慶祝會，由特首李家超主禮。佢話港隊獲獎數目同獲獎運動項目都係歷屆之冠，成績令人鼓舞，感謝所有參與亞運嘅運動員、教練同醫療團隊，又話港協暨奧委會、體院及各體育總會喺推動本港體育發展功不可沒。
更多港聞
【明報專訊】9月至11月係大閘蟹當造季節，但立法會商界（第三）議員嚴剛引述業界話，內地進口嘅大閘蟹未能順暢咁獲得內地當局簽發衛生證明書，本港...
詳情
「公經社科」明年推 70中學試授 涉國安法基本法 教師：穩陣起見用教局資源
【明報專訊】初中「公民、經濟與社會科」（公經社科）明年9月正式取代「生活與社會科」，70多間先導中學提早在今學年試行新課程，教科書則仍待教育... 詳情
【明報專訊】公民、經濟與社會科（公經社科）2024年9月中一級全面推行，現時未有已送審的教科書，教育局於網頁上載學與教資源，供教師參考。現時...
詳情
相關新聞
