【Emily】港足4強戰 高官體育館睇波打氣
[2023.10.05] 發表
【明報專訊】杭州亞運香港足球代表隊歷史性打入亞運4強，噚晚以0比4不敵日本，多名官員、議員都關注呢場賽事，財政司正副司長陳茂波、黃偉綸同文體旅局長楊潤雄等多名官員，就到九龍公園體育館直播區與市民一齊睇波。楊潤雄形容港隊「雖敗猶榮」，喺賽事中體現港人永不言敗嘅精神。
楊潤雄：體現永不言敗精神
陳茂波、黃偉綸、楊潤雄同房屋局長何永賢、體育專員黃德森到九龍公園體育館觀賞球賽。楊潤雄賽後喺facebook話，港隊喺比賽中表現拼搏，體現港人永不言敗嘅精神，感謝球員嘅努力，並會喺銅牌戰繼續為港隊打氣。港隊將於周六出戰銅牌賽。
足總噚晚就喺銅鑼灣一間戲院舉行睇波派對，足總副主席、前民政局長徐英偉同民建聯立法會議員鄭泳舜到場，與一眾球迷觀賞賽事。多名議員如工聯會陸頌雄、新思維狄志遠、選委界陳凱欣等噚日都有睇波，其中阿狄喺臉上貼咗代表香港區旗嘅紅色同白色貼紙，為港隊打氣。
更多港聞
【Emily】本月4展覽 逾6000展商參加 港產「可爬樓梯輪椅」 秋電展亮相
【明報專訊】香港秋季電子產品展今個月13至16日喺灣仔會展舉行，同期仲會舉行國際電子組件及生產技術展，兩展吸引咗近3200個來自台灣、印尼及... 詳情
【明報專訊】港大校委會同校長出現紛爭，呢期搞到鬧哄哄，校內外都關注，包括本報在內嘅傳媒，連日有不少報道，及引述校內人士評論，而港大傳訊及公共...
詳情
【明報專訊】英國日前舉辦法律年度開啟典禮，香港兩個律師會代表都有去英國參與。律師會會長陳澤銘噚日向傳媒總結行程時話，有鼓勵英國法律界人士同商...
詳情
公民科視學 教局：活動多元 稱學校所用資料客觀持平 教師回饋需加強
【明報專訊】高中公民與社會發展科在本學年推展至中六級，教育局昨日向立法會提交文件，稱過去兩學年曾到70間中學作重點視學，發現與2021/22... 詳情相關新聞
