【Emily】選管會新標誌 三角寓意「公開誠實公平」
[2023.09.29] 發表
【明報專訊】選舉管理委員會噚日公布新標誌(圖)，以綠色為主色，呈三角形。選管會主席陸啟康話三角形寓意「公開、誠實、公平」三大原則同樣重要，同時突顯選管會係獨立、公正同非政治性嘅組織，佢希望透過新標誌，向市民傳達選管會嘅願景同使命。
選管會噚日舉行記者會公布區議會選舉活動指引，同時公布選管會嘅新標誌。陸啟康提到，標誌由政府新聞處設計，以選管會英文縮寫「EAC」演化而成，亦列出選管會「公開、誠實、公平」三大原則。佢話標誌將用喺選管會網站、書信、指引等，希望公眾多啲認識選管會職能。
另外，上周獲委任為選管會委員嘅資深大律師文本立噚日亦有出席記者會，不過未有發言。陸啟康相信文本立嘅豐富法律經驗同知識可以幫到選管會，同時感謝今年4月辭任委員嘅資深大律師陸貽信任內貢獻。
更多港聞
2/3直資校加費平均4% 聖保祿兩成 聖保羅一成
【明報專訊】教育局昨公布本學年（2023/24學年）共48間（67.6%）直資學校獲准加學費，平均加幅約4%，為近4年新高。傳統名校聖保羅男... 詳情
【明報專訊】全港約有1010間幼稚園，當中740間（約73%）參加幼稚園教育計劃（下稱計劃），獲局方直接資助。教育局昨表示，計劃內603間幼...
詳情
相關新聞
