【Emily】民研：13局長民望升 孫玉菡支持度最高
[2023.09.29] 發表
【明報專訊】香港民意研究所公布最新特首、政府及各司局長民望調查結果，15個局長之中，13人嘅支持度較半年前都上升，升幅最多嘅係勞福局長孫玉菡，支持率淨值(支持率減反對率)有26百分點，較半年前升14個百分點，成為支持度最高嘅局長。
民研喺今年9月7日至19日以電話訪問1001人，大部分政策局長嘅支持度顯著上升，升幅最多嘅3人依次係房屋局長何永賢、孫玉菡、創科局長孫東，最新支持率淨值分別升至24、26、16個百分點。支持率淨值下跌嘅就有兩人，分別係民青局長麥美娟(跌1個百分點)、文體旅局長楊潤雄(跌8個百分點)；教育局長蔡若蓮繼續包尾，支持率淨值維持-2百分點。
至於特首李家超嘅最新評分為52.6，較上月微升1.9分，支持率及反對率均上升，民望淨值不變。司長方面，僅財政司長陳茂波評分下跌，由6月嘅55.4微跌至54.1，但仍係三司中最高。
更多港聞
【Emily】選管會新標誌 三角寓意「公開誠實公平」
【明報專訊】選舉管理委員會噚日公布新標誌（圖），以綠色為主色，呈三角形。選管會主席陸啟康話三角形寓意「公開、誠實、公平」三大原則同樣重要，同... 詳情
2/3直資校加費平均4% 聖保祿兩成 聖保羅一成
【明報專訊】教育局昨公布本學年（2023/24學年）共48間（67.6%）直資學校獲准加學費，平均加幅約4%，為近4年新高。傳統名校聖保羅男... 詳情
【明報專訊】全港約有1010間幼稚園，當中740間（約73%）參加幼稚園教育計劃（下稱計劃），獲局方直接資助。教育局昨表示，計劃內603間幼...
詳情
相關新聞
