【Emily】馬會支援亞運馬術賽 李家超：高興港作貢獻
[2023.09.26] 發表
【明報專訊】杭州亞運今日(26日)會舉行馬術項目賽事，特首李家超噚日到訪亞運會馬術場館桐廬馬術中心，同香港嘅義工交流，並為代表香港出賽嘅馬會馬術隊成員加油打氣。李家超話，佢同香港市民都因為香港運動員喺亞運會有出色表現而感到驕傲；港府會繼續循普及化、精英化、盛事化、專業化同產業化五方面，推動香港嘅體育發展，同時為國家籌辦大型體育盛事作出貢獻。
李家超噚日同馬會主席利子厚、馬會行政總裁應家柏，以及馬術專家、技術人員等，參觀馬術中心嘅設施、了解馬術賽事籌備工作等。今屆亞運馬會馬術隊9名成員出戰盛裝舞步、三項賽同埋場地障礙賽，係馬術隊第一次喺3個項目同時出戰個人同團體賽事。
馬會早前同杭州亞運會組委會簽署合作備忘錄，為馬術項目提供馬嘅運輸同馬房管理等技術支援。馬會同時會為馬術項目管理指揮中心工作人員、杭州亞運會香港義工提供培訓。李家超話好高興香港能為杭州亞運會作出貢獻。
更多港聞
【Emily】訪粵考察科技 何永賢睇起屋 林世雄睇泊車
【明報專訊】應用創新建築技術加快建屋進度，可謂本屆政府落實建屋「提量、提速、提效、提質」4個方向嘅重要一環。房屋局長何永賢上周二到訪中海海創... 詳情
【Emily】房協監事會換屆 疫後首見「真面目」
【明報專訊】香港房屋協會噚日舉行第71屆周年委員大會，選出新一屆監事會委員，隨即舉行今屆首次會議，委任新一屆執行委員會委員。新冠疫情後，今年... 詳情
城大獸醫首屆畢業生料下月可註冊 獲英國澳紐認證 未能「無縫」因需教完交資料
【明報專訊】城市大學於2017/18學年開設全港首個6年制獸醫學學士課程，首屆畢業生現已可投身職場，但未能「無縫交接」立即在港執業。城大昨稱... 詳情
相關新聞
