【Emily】房協監事會換屆 疫後首見「真面目」
[2023.09.26] 發表
【明報專訊】香港房屋協會噚日舉行第71屆周年委員大會，選出新一屆監事會委員，隨即舉行今屆首次會議，委任新一屆執行委員會委員。新冠疫情後，今年一班監事會委員終於可以露出廬山真面目，齊齊除下口罩影大合照，唔使好似過去3年咁做「蒙面委員」。
新冠疫情2020年初襲港，房協喺同年9月周年委員大會後，為配合政府社交距離措施，成班委員只好戴口罩兼要分成小組影相，再用合成照方式發相畀傳媒刊登。之後兩年縱使可以齊齊影大合照，但都要戴口罩，今年就可以用真面目示人。
新一屆監事會嘅新面孔有楊民儉、黃錦沛、林家輝同何深靜；至於執委會委員就有羅啟華，佢9月初剛獲選為馬會董事，填補李家祥今年5月退休而騰出嘅空缺。
更多港聞
城大獸醫首屆畢業生料下月可註冊 獲英國澳紐認證 未能「無縫」因需教完交資料
【明報專訊】城市大學於2017/18學年開設全港首個6年制獸醫學學士課程，首屆畢業生現已可投身職場，但未能「無縫交接」立即在港執業。城大昨稱... 詳情
相關新聞
