【Emily】喵星人坐摩天輪 變身綵燈照屯門
[2023.09.23] 發表
【明報專訊】每年中秋節前後舉行嘅大坑舞火龍因疫情停辦多年，今年將重辦，喺中秋夜仲會入埋維園！康文署今日起至10月2日會喺維園、沙田公園、屯門公園舉辦中秋綵燈會，每晚6點半至11點亮燈，中秋夜就延長到午夜。其中維園有本地同佛山紮作師傅整嘅綵燈，後者會創作走馬燈，同埋以粵劇為主題嘅巨型綵燈組；現場又會有佛山綵燈、潮州花燈、中式長衫製作、粵劇頭飾製作等示範。
至於沙田公園同屯門公園嘅綵燈會，除咗有「玉兔」，仲有其他動物造型花燈畀大家「打卡」。沙田公園有熊貓、長頸鹿、馬，屯門就有雀鳥同「喵星人」，仲有個摩天輪花燈𠻹(圖)！
更多港聞
【明報專訊】中文大學校董會改組，預計立法會10月復會再審議。政府噚日刊憲公布，特首李家超以校監身分委任律師會前會長兼全國政協彭韻僖（Meli...
詳情
相關新聞
