【Emily】陳茂波與英商貿國務大臣同枱
[2023.09.23] 發表
【明報專訊】財政司長陳茂波繼續訪英行程，當地時間禮拜四先後喺多場活動，與當地商界同金融界見面，包括出席英國香港工商協會午餐會，又同英倫銀行行長貝利(Andrew Bailey)會面。Emily留意到，年初訪港嘅英國商業及貿易部國務大臣莊敦文(Dominic Johnson)都有出席午餐會，坐喺財爺隔籬。不過港英兩地政府都無特別公布，要睇午餐會影片先見到。
財爺喺午餐會上重申對香港前景非常樂觀，話國家安全法律係政治生活嘅一部分，英國亦如是，又話《港區國安法》訂明尊重同保障人權，呼籲外界考慮具體情况，而非泛泛而談。
另外，加拿大菲沙研究所日前公布全球經濟自由度排名，香港幾廿年嚟首次失落榜首，排喺新加坡之後。Emily留意到，政府「香港品牌」網站噚日更新咗菲沙資料，提及香港係「全球第2最自由經濟體」。
更多港聞
相關新聞
